Карціна “Лета ў Люцынцы”

Лета ў Люцынцы. Палатно, алей. 80х118 см.

Беларуская вёсачка Люцынка (ці Люцінка, як вам болей даспадобы) у 1983 годзе натхніла мастака Кастуся Качана на летні пейзаж.

Гэта месца ў Валожынскім раёне Мінскай вобласці напоўнена асаблівай творчай энергіяй. Нездарма тут у XIX стагоддзі правёў нямала часу славуты пісьменнік і драматург Вінцэнт Дунін-Марцінкевіч. Яго сядзіба стала пляцоўкай для першага прафесійнага тэатра, дзе ставіліся беларускія п’есы.

А сёння ў Люцынцы ставіць спектаклі сама прырода, а галоўную ролю ў іх выконвае прыгажосць нашай зямлі.

Свята фарбаў, моц жыцця, багацце традыцый, энергія лета – Кастусь Качан у сваім творы змог перадаць настрой гэтай чароўнай беларускай вёскі.

“Экспазіцыя. Асноўны альбом” глядзець ТУТ!
“Экспазіцыя. Абраныя творы” глядзець ТУТ!