Пiнакатэка. Мюнхен. Баварыя

Травень 2018 года выдаўся для мастака Кастуся Качана і яго жонкі Жаны Леановіч асаблівым. Гаспадары карціннай галерэі ў Наваградку завіталі ў Баварыю і наведалі знакамітую не толькі ў Германіі, але і ва ўсім свеце Пінакатэку.

Дарэчы, за гэтай назвай стаяць аж тры карцінныя галерэі ў Мюнхене. Самая славутая з іх, безумоўна, так званая “Старая пінакатэка”. Тут прадстаўлены творы майстроў Сярэднявечча да XVIII стагоддзя.

Насупраць знаходзіцца “Новая пінакатэка” – з працамі мастакоў XIX-пачатку XX стагоддзяў.

І, нарэшце, у трэцяй галерэі – “Пінакатэцы сучаснасці” – наведвальнікі трапляюць у свет мастацтва XX і XXI стагоддзяў.

А само слова “пінакатэка” паходзіць ад грэчаскіх – “карціна, дошка” і “сховішча”. У антычныя часы так называлася памяшканне для захоўвання жывапісных выяў. Падчас Рэнесансу пад “пінакатэкай” мелі на ўвазе калекцыі твораў жывапісу, адчыненых для публічнага наведвання. Сёння ж пінакатэкамі называюць карцінныя/мастацкія галерэі.

Пагартаць іншыя фотаальбомы карціннай галерэі Кастуся Качана запрашаем ТУТ!